|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шымкент вокзалында жасөспірімдердің теміржол ережелерін өрескел бұзу фактісі тіркелді, - деп хабарлайды Dauletten.kz.
“Атырау – Алматы” бағытындағы №42 жолаушылар пойызы жөнелтілген сәтте үш жасөспірім мас күйінде соңғы вагонға жармасып мінуге әрекеттенген. Бұл туралы “Жолаушылар тасымалы” компаниясының баспасөз қызметі мәлімдеді.
Оқиға кезінде вокзалдың кезекшісі Мейірбек Керімбеков жасөспірімдерді байқап, дереу станция кезекшісі мен желілік полиция қызметкерлеріне хабар берген. Теміржол қызметкерлері мен полицияның жедел іс-әрекетінің нәтижесінде құқықбұзушылар ұсталып, полиция бөлімшесіне жеткізілді. Қазіргі уақытта олардың жеке тұлғасы анықталып, оқиғаның мән-жайы зерттелуде. Қолданыстағы заңнамаға сәйкес тиісті шаралар қабылданады.
Оқиға салдарынан пойыздың қозғалысы бес минутқа кешігіп, құрамы сағат 01:28-де қайта жолға шықты.
Ұлттық тасымалдаушы мұндай әрекеттердің теміржол көлігі қауіпсіздігі талаптарын өрескел бұзу екенін және адамның өмірі мен денсаулығына тікелей қауіп төндіретінін ескертеді. Мұндай заңсыз әрекеттер ауыр жарақаттар мен адам өліміне әкелуі мүмкін.
Теміржол ережелеріне сәйкес:
“Жолаушылар тасымалы” компаниясы ата-аналарға жасөспірімдер арасында теміржол қауіпсіздігі ережелерін сақтау жөнінде тұрақты түсіндіру жұмыстарын жүргізу қажеттігін ескертеді. Сонымен қатар, азаматтарды қырағылық танытуға және қауіпсіздік талаптарының бұзылғанын байқаған жағдайда, дереу теміржол қызметкерлеріне немесе желілік полицияға хабарлауға шақырады.
