Жаңалықтар

9 және 11-сынып түлектерінің емтихан уақыты жарияланды

22.05.2026

мин

0

259

Сурет: Sputnik Kazakhstan

Қазақстанда мектеп бітіруші түлектердің қорытынды емтихандары 29 мамыр мен 15 маусым аралығында өтеді. Ал аттестат тапсыру рәсімі маусымның ортасына жоспарланған, — деп хабарлайды Dauletten.kz. 

Биыл 9 және 11-сынып оқушыларының қорытынды емтихандары 29 мамырда басталып, 15 маусымға дейін жалғасады. Бұл туралы білім саласының ресми мәліметінде айтылды.

9-сынып түлектері төрт жазбаша емтихан тапсырады. Ал 11-сынып оқушылары бес емтиханнан өтеді. Оның біреуі ауызша форматта ұйымдастырылады.

Мектеп бітірушілерге арналған аттестаттарды салтанатты түрде табыстау рәсімі 17-18 маусым күндері өтеді деп жоспарланып отыр.

Биылғы емтихан кезеңінде білім ұйымдары қауіпсіздік пен тәртіп талаптарын күшейтіп, барлық рәсімді белгіленген ережеге сай өткізбек.