Соңғы үш жылда Қонаев қаласының бюджеті 4 есе өсті - облыс әкімі
13.12.2024
мин
0
346
Сурет: ОКҚ
Соңғы үш жылда Қонаев қаласының бюджеті 4 есе өсті. Бұл туралы Алматы облысының әкімі Марат Сұлтанғазиев айтты, - деп хабарлайды Dauletten.kz.
Облыс әкімінің айтуынша, бюджет 37 млрд теңгеден асты. Бірқатар көрсеткіштер: 133 мың шаршы метр тұрғын үй пайдалануға берілді; 900 орындық мектеп салынды; 48 көпқабатты тұрғын үйдің шатырлары ауыстырылып, қасбеттері жөнделді; 61 км инженерлік-жол инфрақұрылымы жаңартылып; 41 аула мен спорт алаңдары, қоғамдық бақтар абаттандырылды. Жеке инвестициялар есебінен жалпы құны 75 млрд теңгеге 7 нысан іске қосылып, 612 жұмыс орны құрылды. Оның ішінде, балық өнеркәсібі кешені, алма өңдеу және шырын өндіру цехы, 2,2 МВт су электр станциялары. Туристер саны 6,5%-ға өсті.
- Қонаев қаласының кешенді жоспары аясында 187 іс-шараны іске асыру қарастырылған. 2023-2024 жылдары 124 нысанның жобалау-сметалық құжаттамалары әзірленуде. Мемлекеттік сараптама аяқталған соң құрылыс жұмыстарын бастау мүмкіндігі болады, – деді Алматы облысының әкімі ОКҚ алаңында өткен баспасөз конференциясында.
