|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астана қаласының прокуратурасы екі жеке сот орындаушысының әкімшілік айыппұлды өтеуге арналған қаражатты заңсыз иемдену фактілерін анықтады, - деп хабарлайды Dauletten.kz.
Тексеру нәтижесінде олардың екі жыл бойы сот актілерін орындау барысында мемлекет қазынасына түсуі тиіс қаржыны жымқырып, жеке мақсаттарына, соның ішінде құмар ойындарға жұмсағаны белгілі болды. Сондай-ақ жеке және заңды тұлғалардың қаражаты да заңсыз пайдаланылған. Жалпы шығын көлемі 26 миллион теңгеден асқан.
Қазіргі таңда аталған сот орындаушылары келтірілген шығынды толық өтеді. Оларға қатысты сотқа дейінгі тергеу амалдары басталды. Тергеу нәтижесіне сәйкес уәкілетті орган олардың лицензияларын қайтарып алу мәселесін қарастырады.
Прокуратура бұл жағдайға байланысты алдағы уақытта ұқсас құқықбұзушылықтардың алдын алу үшін қарыз сомаларын тікелей өндіріп алушыларға аудару және атқарушылық санкцияларды есептеу кезінде жасанды интеллектті қолдануды ұсынды.
