|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Дональд Трамптың айтуынша, АҚШ өкілдері Украинадағы атысты тоқтату шарттарын талқылау үшін Ресейге аттанған, - деп хабарлайды Dauletten.kz Bloomberg агенттігіне сілтеме жасап.
- Дәл қазір, біз сөйлеп тұрған сәтте, біздің адамдарымыз Ресейге бара жатыр. Біз Ресейді атысты тоқтатуға көндіре аламыз деп үміттенеміз, — деді Трамп.
Оның пікірінше, Украинамен атысты тоқтату келісіміне қол жеткізу үшін Путинге қысым жасаудың қажеті болмайды.
- Егер бұл жүзеге асса, менің ойымша, біз осы жантүршігерлік, қанды қырғынды тоқтатуға 80 пайыз жақындадық деп санаймын, — деді ол.
РБК агенттігінің хабарлауынша, сол брифингте Трамп мәселенің оң шешілетініне белгілер бар екенін айтқан.
- Мен жақсы жаңалықтар алдым. Бірақ бұл әзірге ештеңені білдірмейді, — деді АҚШ президенті, нақты не жайлы айтқанын ашып көрсетпей.
Бұған қоса, басылымның мәліметінше, Ресей президентінің баспасөз хатшысы Дмитрий Песков Мәскеу қандай да бір шешім қабылдамас бұрын АҚШ-тың Украинамен келіссөздерге қатысты егжей-тегжейлі ақпаратын күтетінін мәлімдеген. Оның сөзінше, Кремль Сауд Арабиясындағы кездесу қорытындыларына назар аударып отыр.
- Осы күндері америкалықтармен жоспарланған кездесуіміз бар, сол кезде толық ақпарат аламыз деп күтеміз, — деді Песков.
