|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нұр-Сұлтан қаласы әкімдігінің Тұрғын үй қоры астаналықтарды алаяқтардан сақ болуға шақырды, - деп хабарлайды Tengrinews.kz тілшісі қордың Instagram желісіндегі ресми парақшасына сілтеме жасап.
"Құрметті азаматтар! Осындай сипаттағы құжаттар бүкіл ел бойынша тарап жатыр. Бұл құжат жалған және тұрғын үй алуға негіз бола алмайды. Сақ және абай болуларыңызды сұраймыз. Тұрғын үй қоры тұрғын үй алу туралы осындай хабарламаны ешқашан таратқан жоқ және таратпайды да, сондай-ақ, мерзімі өткен несиелерге байланысты біз тұрғын үй кезегі есебінен шығармаймыз", - делінген хабарламада.
Қор өкілі жалдамалы тұрғын үй кезегіңіз келсе, тек құжаттарды жаңарту және өз санатын растау қажет екенін айтты. Бұл ретте бастапқы жарна немесе құжаттарды рәсімдеу үшін төлем талап етілмейді.
"Сізге мұндай хабарлама жіберілсе және ақша талап етсе, дереу 102 нөмірі бойынша хабарласуларыңызды сұраймыз.
Коммуналдық тұрғын үй қорынан тұрғын үйге мұқтаждар есебінде тұрған азаматтарға тізімде белгіленген кезек тәртібімен немесе тұрғын үй бағдарламасы шеңберінде беріледі", - делінген қор хабарламасында.
