|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысында қарсы екпе алмаған 15 бала қызылша ауруына шалдыққан. Олар Түркістан, Кентау қалалары мен Сауран ауданының тұрғындары деп, хабарлайды Dauletten.kz.
Жыл басынан бері қызылшаға шалдықты деген күдікпен 16 жағдай тіркеліп, оның 15-і зертханалық дәлелденген. Бүгінде науқастармен қарым-қатынаста болған тұрғындар медициналық бақылауға алынған.
Санитарлық-эпидемиологиялық бақылау комитеті өңір тұрғындарын тегін екпе алуға шақырады. Жергілікті емханаларда қандай да бір себептермен екпе алмаған 17 жасқа дейінгі балаға екпе алу ұсынылады.
Қазіргі таңда облыстық қоғамдық денсаулық басқармасының тапсырмасымен мониторингтік топтар құрылып, тұрғындар арасында санитариялық-ағарту жұмыстары жүргізіліп жатыр. Әсіресе, мектепке дейінгі білім беру ұйымдарында эпиджағдайдың алдын алу үшін сақтық шараларын ұстану бағытында жұмыстар күшейтілген.
Фото: tengrinews.kz
