|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысында жалпы өңірлік өнім көлемі 4 трлн теңгеге жетті. Бұл туралы ОКҚ көшпелі баспасөз конференциясында өңір әкімі Дархан Сатыбалды мәлім етті, - деп хабарлайды Dauletten.kz.
Биылғы 10 айда Түркістан облысының әлеуметтік-экономикалық дамуында оң өсім бар. Экономиканың басты көрсеткіші болып саналатын жалпы өңірлік өнім көлемі алдын ала есеп бойынша 4 трлн теңгеге жетті. Қысқа мерзімді экономикалық өсім 110%-ды құрады.
- Аймақта өнеркәсіп өнім көлемі 8,8%-ға артып, 960 млрд теңгеден асты. Оның ішінде қайта өңдеуге барынша басымдық берілуде. Есепті кезеңде өңдеу өнеркәсібінде 463 млрд теңгенің өнімі өндіріліп, өсім 113%-ды құрады. Өсім негізінен тау-кен, тамақ, жеңіл өнеркәсіп, машина жасау және жиһаз өндірістері есебінен орын алды, - деді спикер.
Индустриалды аймақтарға қолайлы жағдай жасау мақсатында Үкіметке электр энергиясының бағасын төмендету бойынша ұсыныс енгізіліп, қолдау тапты. Сонымен бірге энергетика тапшылығын шешу мақсатында 1,9 трлн теңгеге жалпы қуаты 2,7 ГВт болатын 7 ірі жоба жүзеге асырылуда. Сайрамда қуаты 1000 МВт болатын станцияның құрылысы басталды. Сондай-ақ қосымша 300 МВт күн электр станциясының жобасы әзірленуде. Түлкібаста – 320 МВт, Кентауда 240 МВт газ турбина, Бәйдібекте 350 МВт жел электр станциялары салынады.
