Жаңалықтар

Үкімет тозығы жеткен тұрғын үйлерді жөндеуге қаржы бөлмек

23.06.2026

мин

0

145

Сурет: Aikyn.kz

Тозығы жеткен тұрғын үйлерді қалпына келтіруге бюджеттен қолдау беріледі, — деп хабарлайды Dauletten.kz. 

Қазақстанда тозығы жеткен көпқабатты тұрғын үйлерді жаңғырту жұмыстары жалғасады. Вице-премьер Қанат Бозымбаевтың депутаттық сауалға берген жауабына сәйкес, 2027–2029 жылдарға арналған республикалық бюджет аясында бұл мақсатқа бюджеттік несие беру жоспарланған.

Бөлінетін қаражат тұрғын үйлердің ортақ мүлкін қалпына келтіруге бағытталады. Жоспарға сәйкес, техникалық жағдайы нашарлаған 368 көпқабатты тұрғын үйге күрделі жөндеу жүргізіліп, пайдалану мерзімі аяқталған 198 лифт жаңасына ауыстырылады.

Вице-премьердің айтуынша, бұл шаралар тұрғындардың қауіпсіздігін қамтамасыз етуге және тұрғын үй инфрақұрылымының жай-күйін жақсартуға мүмкіндік береді.

Сондай-ақ бұл бағыттағы жұмыстар бірнеше жылдан бері жалғасып келеді. Ресми мәліметке сәйкес, 2022 жылдан бері республикалық бюджеттен 521 көпқабатты тұрғын үйді күрделі жөндеуге 27,2 млрд теңге бөлінген.