|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ президенті Дональд Трамп Конгрестегі сөзінде Украина президенті Владимир Зеленскийден бейбіт келіссөздер үстеліне қайта оралуға дайын екенін білдіретін хат алғанын мәлімдеді, - деп хабарлайды Dauletten.kz.
— Бүгін мен Украина президенті Владимир Зеленскийден маңызды хат алдым. Ол хатта: "Украина бейбітшілікке барынша тезірек жету үшін келіссөз үстеліне отыруға дайын. Украин халқы үшін бейбітшіліктен маңызды ештеңе жоқ", — делінген, — деді Трамп.
Оның айтуынша, Зеленский сонымен қатар "кез келген уақытта" тау-кен өндірісі жөніндегі келісімге қол қоюға әзір екенін жеткізген.
Владимир Зеленский келіссөздерге дайын екенін бір күн бұрын Трамппен әңгіме барысында да атап өткен. Сондай-ақ, ол Украинаның жер қойнауын игеру жөніндегі келісімге қол қоюға ашық екенін растаған.
— Мен Украинадағы қантөгісті тоқтату үшін бар күшімді саламын. Бұл сұрапыл соғыста миллиондаған украиндықтар мен ресейліктер қаза тапты немесе жараланды. АҚШ Украинаны қолдауға жүздеген миллиард доллар бөлді, — деді Трамп.
Ол сондай-ақ АҚШ-тың Украинаға қаржылай көмегі Еуропа елдерімен салыстырғанда әлдеқайда ауқымды екенін атап өтті.
— Бұл қақтығыс тағы бес жылға созылғанын қалайсыздар ма? Өкінішке қарай, Еуропа Украинаны қолдаудан гөрі Ресейдің мұнайы мен газын сатып алуға көбірек қаржы жұмсады. Осыны ойлану керек, — деді ол.
Трамптың Украинаға қатысты сөздері кезінде залдан кейбір демократтар шығып кетті.
