Жаңалықтар

Жалған акция сатқан қаржы пирамидасының ұйымдастырушылары сотталды

14.06.2021

1 мин

1

1724

Ақтөбеде шетелдік компания ретінде таныстырып, жалған акцияларды сатқан қаржы пирамидасының ұйымдастырушылары сотталды, деп хабарлайды Dauletten.kz ҚР ҚМА баспасөз қызметіне сілтеме жасап.

Олар «Unique finance» компаниясының өкілдері ретінде азаматтарға «Pepsi», «Nike», «Microsoft», «Ford» және «BMW» сияқты ірі халықаралық компаниялардың бағалы қағаздарына ақша инвестициялауды ұсынған қаржы пирамидасын ұйымдастырған.

«Компания салымшыларға салынған соманың 6%-і, жаңа серіктестің салым сомасының 5%-і мөлшерінде ай сайынғы пайда уәде етілді. Бұл ретте, ең минималды салым 1000 АҚШ долларын құраған.

Бағалы қағаздардың орнына халыққа жалған акциялар беріліп, олардың қаражатын қаржы пирамидасын ұйымдастырушылар иеленіп отырған.

Ұйымдастырушылар 3 және 3,5 жылға сотталды»,- делінген хабарламада.

Қаржылық пирамидалар туралы не білу керек?

1. Ұйымның шамадан тыс жоғары кірісіне кепілдік беріледі.
2. ҚР Қаржы нарығын реттеу және дамыту агенттігі лицензиясының болмауы.
3. Меншікті қаражаттың болмауы, төлем жаңа қатысушылардың ақшасы есебінен жүргізіледі.
4. Салынған қаражатты қайтарудың нақты ережелерінің болмауы.
5. Қызметінің айқын болмауы.
6. Әлеуметтік желілер мен мессенджерлер арқылы шулы ұрандары бар кең жарнамалық кампания.