|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қызылша бойынша жағдайды тұрақтандыру мақсатында қызылшаға қарсы қосымша жаппай иммундаумен 94 мың бала қамтылды, 18 жасқа дейінгі бұрын вакцинация алмаған 63,2 мың бала соңғы вакцинациялаумен қамтылды, бұл тиісті контингенттің 50%-ын құрайды, инфекция ошақтарында шұғыл вакцинаны 15,4 мыңнан астам адам алды, деп хабарлады бүгін Үкімет отырысында Денсаулық сақтау министрі Ажар Ғиният.
Ол елімізде жоспарлы иммундаумен 600 мыңнан астам бала қамтылғанын, бұл ДДҰ ұсынымына сәйкес келетін 1 және 6 жастағы балалардың 84,0%-ын құрайтынын атап өтті. Жыл соңына дейін осы жас топтарының 100 мыңнан астам баласы вакцинациялауға жатады.
Ағымдағы жылы қосымша иммундау туралы қабылданған шешімдерді ескере отырып, барлығы 770 мыңнан астам бала егілген.
Министр 2005, 2015 және 2019 жылдардағы қызылшаның алдын-ала өршуі кезінде қосымша иммундаудың маңыздылығы мен тиімділігін атап өтті, бұл жоғары қамтуды ескере отырып, жыл соңына дейін ауруды айтарлықтай төмендетуге мүмкіндік береді.
Вакциналармен қамтамасыз ету мәселесі бойынша министр қызылшаға қарсы вакцинаның қосымша 1,5 млн. дозасы сатып алынғанын, оның 500 мың дозасы түскенін, желтоқсан айында 1 млн. доза жеткізілетінін хабарлады. Осыған байланысты, халықтың белсенділігі мен вакцинацияның пайдасына таңдау біздің балаларымыздың денсаулығын сақтауды қамтамасыз етуге мүмкіндік береді.
Вакцинациялаудан бас тарту көбінесе мүгедектікке және өлімге әкелетін көкжөтел, дифтерия, полиомиелит, В гепатиті сияқты ұмытылған вакцинамен басқарылатын инфекциялардың өршуіне әкелуі мүмкін.
