|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда 16 қыркүйектен бастап жол қозғалысына қатысушылардың барлығы — тек жүргізушілер емес, жаяу жүргіншілер мен мопед жүргізушілері де мас күйінде болу-болмауына қатысты тексерілетін болады, - деп хабарлайды Dauletten.kz.
Жаяу жүргіншілерге қатысты қандай жаза қолданылатыны әзірге нақтыланбаған. Ал көлік жүргізушілеріне қатысты шаралар бұрынғысынша қатаң сақталады:
• мас күйде көлік басқарғандар 15 тәулікке қамауға алынып, 7 жылға жүргізуші куәлігінен айырылады;
• егер жол-көлік оқиғасы салдарынан зардап келтірілсе, жаза 20 тәулік қамау және 7 жылға куәліктен айыруды құрайды;
• құқық бұзушылық қайталанса, 25 тәулікке қамау және 9 жылға жүргізуші куәлігінен айыру қарастырылған.
Сонымен қатар жаңартылған ережелер медициналық тексеруге жолдама беру құжатын электронды түрде рәсімдеуді және процесті техникалық құралдар арқылы тіркеу кезінде куәгерлердің қатысуынсыз жүргізуді қарастырады.
