|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Экологияны жақсарту үшін үш қалада энергия зауыттары бой көтереді, - деп хабарлайды Dauletten.kz.
Үкімет экологиялық ахуалды жақсарту бағытында кешенді шараларды қолға алып жатыр. Премьер-министр Олжас Бектеновтің тапсырмасы бойынша 2026 жылы Астана, Алматы және Шымкент қалаларында қалдықтарды энергетикалық кәдеге жаратуға арналған жаңа заманауи зауыттардың құрылысы басталады.
Премьер-министрдің айтуынша, бұл нысандар мегаполистердегі тұрмыстық қалдық көлемін айтарлықтай азайтып, экологиялық қауіпсіздікті күшейтуге мүмкіндік береді.
— Экология министрлігі үш қала әкімдіктерімен бірге зауыттардың құрылысын келесі жылы іске қосуы тиіс. Бұл – жылдар бойы қордаланған қалдық мәселесін жүйелі шешетін стратегиялық жоба, — деді Олжас Бектенов.
Үкімет басшысы мұндай кешендер қалдықты жоюмен қатар, одан энергия өндіру арқылы қалалардың инфрақұрылымына қосымша ресурс беретінін атап өтті.
Сонымен қатар, аталған жобаларды сапалы іске асыру үшін министрліктер мен әкімдіктердің өзара үйлесімді жұмысы, рұқсат беру процестерінің жеделдеуі және инфрақұрылымның толық дайын болуы талап етіледі.
