Жаңалықтар

42 500 теңге: басты сұрақтарға жауап

16.07.2020

1 мин

111

18979

Елімізде карантин мерзімінің ұзартылуына байланысты мұқтаж қазақстандықтарға 42 500 теңге көлемінде жәрдемақы төленеді. Бұл туралы президент Қасым-Жомарт Тоқаев 13 шілде күні мәлімдеді. Аталмыш төлемді алу жолдары, өтінім беру түрлері жайлы оқырмандардың бірқатар басты сауалдарына жауап беруді жөн көрдік.

1. 42 500 теңгені кімдер ала алады?

Төтенше жағдай кезінде төленген жәрдемақы негізінде карантинге байланысты жұмысынан айырылған азаматтар бұл соманы ала алады. Белгіленген жәрдемақыны карантинге байланысты жұмысы шектелген жұмыс берушілер, жеке кәсіпкерлер мен өзін-өзі жұмыспен қамтыған жандар өтінім беру керек.

2. Өтінім беру қашан басталады?

17 шілде күні порталдарда өтінім беру басталады. Ал азаматтардың шотына ақша аудару 20 шілдеден бастап іске асады. Аталмыш төлем Мемлекеттік сақтандыру қоры есебінен жүреді. Бірақ мемлекет Ұлттық банкпен бірлесіп, әлеуметтік қордың қаржылай мәселесін шешуде.

3. БЖТ төлеу керек пе?

Төтенше жағдай кезінде өзін-өзі жұмыспен қамтыған азаматтар БЖТ төлеп, 42 500 теңге алған еді. Бірақ қазіргі карантин уақытында бірыңғай жиынтық төлемді төлеу міндетті емес.

4. Өтінімді қалай береміз?

Төтенше жағдай кезінде азаматтар  42500enbek.kz сайты және  egov.kz электронды үкімет порталы арқылы өтінім берген. Сондай-ақ, өтінім беру үшін  Telegram-бот қызметі іске қосылған. Дәл сол жүйе бойынша азаматтар  42 500  теңге алуға өтінім береді. Қазіргі таңда Каспий банк пен Халық банк арқылы да өтініш беру мүмкіндігі қарастырылып жатыр. Жуырда дәл осы банктер арқылы да 42 500 теңге алуға өтініш тапсырса болады.

5. Студенттер және декреттегі аналарға жәрдемақы беріле ме?

Бұл жағдайда жұмыс істеген студенттер ғана өтінім бере алады. Яғни ресми зейнетақы қорына ай сайын төлем түскен жағдайда 42 500 теңге алуға мүмкіндік бар. Ал декретте отырған жандарға жәрдемақы төленбейді.

6. ТЖ уақытында 42 500 алғандар қайта өтініш беру керек пе?

Жәрдемақыны алу үшін қайта өтініш беруге тура келеді. Себебі карантиндік шектеу болғанымен, кей мекемелер жұмысын жалғастырып жатыр. Сол себепті де өтініш қайта беру керек.

7. Жәрдемақы алу ережесі қандай?

Жалдамалы жұмысшылар үшін:

• Зейнетақы, әлеуметтік жарналар төленгені туралы талап қойылмайды (бұрын қойылған);
• Бұл санаттағы жұмысшылар үшін жұмыс беруші ғана өтініш бере алады; Себебі жұмыс беруші қарамағындағы жұмыс істейтін азаматтың ақысыз жұмыстан кеткенін растайды. Олар порталға мәлімет енгізеді.
• Жәрдемақы төлену барысында бір тексеріс болады. Яғни «Атамекен» кәсіпкерлер палатасы арқылы кәсіпкерлердің жұмысының тоқтағанын немесе жүріп жатқаны тексеріледі.

Жеке кәсіпкерлер үшін:

• Өтінішті қайта өткізеді;
• Зейнетақы, әлеуметтік жарналар төленгені туралы талап қойылмайды;
• Жергілікті «Атамекен» палатасының өкілдері тексереді;
• Салық комитеті тексеріс жүргізеді;

Өзін-өзі жұмыспен қамтыған азаматтар:

• Бұрын төтенше жағдай кезінде бірыңғай жиынтық төлем төледі. Қазір Бірыңғай жиынтық төлем төлеу міндеттелмейді. Тек өтініш қабылданады;
• Осыған дейін БЖТ төлегендер ортақ мәліметтер қорынан тексеріледі.