|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Аружан Саин қаржы министрлігі мен еңбек және халықты әлеуметтік қорғау министрлігіне карантин кезінде төленетін жәрдемақыны қайта қарауды және баласы бар отбасыларға 42 500 емес, одан да жоғары сомада жәрдемақы тағайындауды ұсынды.
Балалар омбудсмені қазақстандық экономистер осы мәселені қарастырып, карантин кезінде өмір сүруге қанша қаражат керек екенін есептеуі керек екенін айтты.
"42 500 теңгемен келіспеймін. Мемлекеттен көмек отбасындағы бала санына байланысты төленуі қажет деп ойлаймын. 42 500 теңгені бір адамға жеткізуге болады, алайда балалары бар отбасыларға бұлай жасау қиынға соғады", - деді Саин.
Еліміздегі жағдайда Аружан Саин Ресей тәжірибесіне назар аударуды ұсынды. Ол Ресейде көмек балалар санына байланысты жасалғанын атап өтті.
14 шілдеде Қазақстан үкіметі карантинді күшейту кезінде жұмыссыз қалған қазақстандықтар үшін 42 500 теңге жәрдемақы төлеу туралы шешім қабылдады. Жәрдемақы жұмыс берушілердің, жеке кәсіпкерлердің, өзін-өзі жұмыспен қамтушылардың өтінімдері негізінде төленеді.
Тағы көру
