|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қарағандыда жеті баланың анасы алаяқтық жасады деген күдікке ілінді. Ол 50 миллион теңгені жымқырған, - деп хабарлайды Dauletten.kz.
Күдікті қамауға алынды. Ол 5-6 миллион теңгеге көліктерді арзан бағамен сатып алуға уәде беріп, ақшаны алғанымен, тауарларын тапсырыс берушілерге жеткізбеген.
Зардап шеккендер полицияға шағымданды.
Көпбалалы ана интернет арқылы Қытай, Түркия және Ресейден тауарларға тапсырыс қабылдап, оларды арзан бағамен сатуға уәде еткен. Ұсынылған тауарлар қатарына жиһаз, тұрмыстық техника, ұялы телефондар, тіпті, автокөліктер де кірген, - деп жазылған хабарламада.
Құқық қорғау органдары зардап шеккендердің саны бұдан да көп болуы мүмкін екенін жоққа шығармайды.
Біз тамыз айында көлікке тапсырыс бердік. Ол қарашада көлік келетінін айтты. Тіпті, көліктердің келе жатқанын дәлелдейтін видео жіберді. Бірақ кейін байланысқа шықты да, бізді алдады деп кешірім сұрады. Ол ақшаны қайтаруға уәде бергенімен, тек шағын сомаларды бөліп қайтарды, – дейді зардап шегуші Юлия Варавина.
Полиция қылмыстық іс қозғап, "Алаяқтық" бабы бойынша тергеу жүргізуде. Сот күдіктіні екі айға қамауға алу туралы шешім қабылдады.
