|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қытайда метапневмовирусы вирус тарап, ауруханалар науқастарға толып жатыр. Денсаулық сақтау министрлігінің мәлімдеуінше эпидемиологиялық маусым басталғалы бері Қазақстанда метапневмовирус инфекциясының 30 жағдайы тіркелді, - деп хабарлайды Dauletten.kz.
Әлеуметтік желілерде тараған бейнежазбаларда Қытай ауруханаларында ұзын-сонар кезекте тұрған науқастарды көруге болады. Видеоларда ересектермен қатар маска таққан балалардың да дәрігерге кезекте тұрғаны байқалады. Кейбір жергілікті бейресми ақпарат көздері мәйітханаларда қайтыс болғандардың санының артқанын мәлімдеген.
Жергілікті дереккөздер бұл вирустың таралуын соңғы уақытта белсенді болған адам метапневмовирусы (HMPV) деп болжайды. Бұл вирус әдетте жеңіл тұмау түрінде өтеді. Алайда жергілікті билік бұл ақпаратты ресми түрде растаған жоқ.
Қазіргі жағдай 2022-2023 жылдардағы оқиғаларға ұқсайды. Ол кезде Қытайда тұрғындар микоплазмалық пневмониямен ауырған еді, бұл да жеңіл түрде өтетін вирус.
Сонымен қатар, Қытайдың ауруларды бақылау және алдын алу орталығының ресми есебіне сәйкес, қазіргі вирусқа қарапайым тұмау себеп болған болуы мүмкін. Өйткені тұмауға қарсы тесттердің 30%-і оң нәтиже көрсеткен, ал ауруханаға түскен әр жетінші науқаста тұмау анықталған.
