|
|
|
| Товарные рынки | ||
| BID | ASK | |
| Brent | 0.00 | 100.48 |
| Лайт | 0.00 | 96.05 |
| Данные на 14:40 мск | ||
Қазақстан Республикасы Парламенті Сенатының Экономикалық саясат, инновациялық даму және кәсіпкерлік комитетінің отырысы аясында Hyrasia Energy Инвестициялар жөніндегі директоры Айнұр Тумышева Маңғыстау облысында "жасыл" сутекті өндіру жобасын таныстырды.
Өз сөзінде Айнұр Тумышева жобаның белсенді даму сатысында екенін айтты. Pre-FEED дайындау және болашақ кәсіпорынның аймақтың экологиялық және әлеуметтік ортаға (ESIA) әсерін зерттеу жұмыстары жүргізілуде. Сонымен қатар жетекші француз және неміс инженерлік компанияларымен келісімшарттарға да қол қойылған.
Cондай-ақ, кездеуде, жобаны Қазақстанда табысты іске асыру үшін тұрақты заңнамалық базаны қалыптастыру қажеттілігі атап өтілді. Бүгінгі таңда Еуропалық Одақпен бірлесіп сутегі өнеркәсібі бойынша нормативтік құжаттарды жетілдіру үшін стандарттармен, әзірлемелермен және өзге де құжаттармен алмасуға қатысты келіссөздер жүргізілуде.
Сенат отырысында депутаттар қазақстандық нарыққа өнімді жеткізу мәселесін қозғады.
"Қазірдің өзінде біз кейбір компаниялардың өз өндірістерін көміртексіздендіруге қызығушылығын көріп отырмыз. Экологиялық таза отын жеткізу мүмкіндігі үшін қазақстандық нарықты зерттеу бойынша жауапты министрліктермен қосымша келіссөздер жүргізілуде. Біз өз тарапымыздан жергілікті өндірушілермен белсенді ынтымақтастыққа дайынбыз", - деді Айнұр Тумышева.
Кездесу қорытындысы бойынша сенаторлар бұл жобаны іске асыру Қазақстанның 2060 жылға қарай көміртегі бейтараптығына қол жеткізу жөніндегі нақты қадамдарының бірі болатынын атап өтті. Сондай-ақ, Сенат депутаттарының жалпы отырысында жобаны таныстыру туралы келісімге қол қойылды.
