|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгінде әлемде 159 валюта бар. Оның ішінде халыққа жақсы таныс доллар және евро қатарынан бірнеше мемлекетте қолданылады. Алайда, аталмыш валюталар ең қымбат болып саналмайды. Сіздерге беймәлім ең құнды 8 валютаны Dauletten.kz тізбектеді.
Кувейттік динар
Бұл валютаның жоғары құны тікелей мемлекеттің әлемдік нарықтағы мұнай экспортымен байланысты. Кувейт экономикасы ең алдымен мұнай өндірісіне сүйенеді. Валютаның белгісі – KWD.
1 KWD = 1 450, 01 KZT
1 KWD = 249, 51 RUB
1 KWD = 3, 26 USD
Бахрейндік динар
Құндылығы бойынша әлемдегі екінші валюта. Бахрейн шамамен 1 миллион халқы бар Парсы шығанағындағы аралдық мемлекет. 1965 жылы бахрейндік динар айналымға енгізілген.
Валютаның белгісі – BHD.
1 BHD = 1 179, 59 KZT
1 BHD = 202, 98 RUB
1 BHD = 2,65 USD
Омандық риал
Оман мемлекетінің ұлттық ақшасы. Бір қызығы, ақша қағазының бір бетінде жазу ағылшын тілінде жазылса, екінші бетінде араб тілінде. Ал монеталарында жазу тек араб тілінде. Валютаның белгісі – OMR.
1 OMR = 1 154,94 KZT
1 OMR = 198,86 RUB
1 OMR = 2,60 USD
Иордания динары
Иорданияның ұлттық ақшасы. Ақша қағазында және монеталарында корольдік одақ белгіленген. Мұнда да омандық риал секілді жазу ағылшын және араб тілдерінде жазылған. Валютаның белгісі – JOD.
1 JOD = 626, 78 KZT
1 JOD = 107, 78 RUB
1 JOD = 1,41 USD
Британдық фунт
Ұлыбританияның валюта бірлігі. Бұл елдің фунты XVIII-XIX ғасырларда әлемдік резерв ретінде пайдаланылған. Ұлыбританиядағы жекеленген аумақтардағы банктер банкноттарды өз дизайндарымен шығарады. Заң бойынша бұл шығарылған валюталар Ұлыбританияның барлық банктерінде қолданылады. Валютаның белгісі – GBR.
1 GBR = 557, 24 KZT
1 GBR = 95, 83 RUB
1 GBR = 1, 25 USD
Швейцария франкі
Швейцария – дүние жүзіндегі ең ірі қаржы орталықтарының бірі. Швейцария банкілерінің сейфтерінде әлемдегі бүкіл дамыған мемлекеттердің валютасы мен барлық құнды қағаздары жатыр. Бұл мемлекет дүние жүзінде капиталды сырттан тартудан алғашқы орындарды иемденеді. Валютаның белгісі – CHF.
1 CHF = 499,67 KZT
1 CHF = 85,91 RUB
1 CHF = 1,12 USD
Еуропалық еуро
Еуропа Одағындағы 20 елдің ресми валютасы. Сондай-ақ еуро 9 мемлекеттің, соның ішінде Еуропада орналасқан 7 мемлекеттің ұлттық валютасы болып табылады. Алайда, Еуропалық Одақтың қатысушыларына қарағанда, осы 9 мемлекет Еуропалық орталық банктің ақша-несие саясатына әсер ете алмайды және өз өкілдерін олардың жетекші органдарына бағыттай алмайды. Валютаның белгісі – EUR.
1 EUR = 486,11 KZT
1 EUR = 83,60 RUB
1 EUR = 1,09 USD
АҚШ доллары
АҚШ ақша бірлігі, әлемдік негізгі резервтік валюталардың бірі. Ақша шығару құқығы Америка Құрама Штаттарында Орталық банк функцияларын жүзеге асыратын Федералдық резервтік жүйесіне тиесілі. Әлемдік сауданың 80 пайызынан астамы АҚШ долларымен есептеледі. Bloomberg агенттігінің деректері бойынша, SWIFT банкаралық айналым жүйесінде 2013 жыл мен 2014 жылдың аралығында доллардың үлесі 42 пайызды құраған. АҚШ-тың барлық федералдық банкноталары 1861 жылдан шыға бастаған. Осы күнге дейін заңды түрде төлем қызметін атқарады. Белгіленуі: $ немесе USD.
Бүгінгі доллор бағамы:
1 USD = 444,63 KZT
1 USD = 76,46 RUB
1 USD = 0,91 EUR
