|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Танымал кофехана желісі «екі кофе — біреуінің бағасымен» атты науқанын жариялады. Алайда акция уақытының түскі мезгілге белгіленуі әлеуметтік желіде қызу пікірталас туғызып, компанияның мәдени ерекшеліктерді ескеру мәселесін алға шығарды, - деп хабарлайды Dauletten.kz.
Әлемдік бренд саналатын Starbucks тұтынушыларға арналған жаңа акциясын іске қосты. Шарт бойынша, сағат 12:00 мен 14:00 аралығында екі сусынды біреуінің бағасымен сатып алуға мүмкіндік берілген.
Дегенмен бұл уақыт аралығы Рамазан айында ораза ұстап жүрген мұсылман қауымы үшін қолайсыз деп бағаланды. Себебі дәл осы мезгілде ораза ұстаған жандар күн батқанға дейін ас-судан тыйылады.
Әлеуметтік желілерде пайдаланушылар брендтің маркетингтік шешімі мәдени және діни контексті ескермегенін айтып, сын білдіруде. Кейбір желі қолданушылары егер науқан Рамазан айына сәйкес келсе, оны ауызашар уақытынан кейін өткізген жөн болар еді деген пікір білдірді.
Сарапшылардың пікірінше, жаһандық компаниялар түрлі елдердегі аудиторияның дәстүрі мен құндылықтарын ескеріп, жарнамалық стратегиясын соған бейімдеуі маңызды. Әсіресе діни мерекелер мен ерекше кезеңдерде уақыт пен мазмұн таңдауы қоғамның көңіл-күйіне тікелей әсер етеді.
Қазіргі таңда компания өкілдері бұл сынға қатысты ресми түсініктеме берген жоқ.
