|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы қаласының авиациялық прокуратурасы заңсыз тәркіленген мемлекет активтерін қайтару жұмыстары аясында Алматы халықаралық әуежайы жолаушылар терминалының коммерциялық үй-жайларын жеке тұлғаларға заңсыз беру фактісін анықтады, деп хабарлайды Dauletten.kz.
«2003 жылы Алматы әкімдігінің тапсырысы бойынша «Имстальком» АҚ жаңа жолаушылар терминалын салды. Құрылыс аяқталғаннан кейін жаңартылған терминалдың сауда алаңдарының бір бөлігі мердігерге өткен. Себебі шарт бойынша 333 миллион теңгені осылай өтеген. Сонымен қатар Ішкі мемлекеттік аудиттің нәтижелері бойынша құрылыс салушы алдында қандай да бір берешек болмаған», – делінген хабарламада.
Осы объектілерге меншік құқығын қайтару үшін авиациялық прокуратура А.Бақтиярқызына жалпы ауданы 1 118,5 шаршы метр жолаушылар терминалының коммерциялық үй-жайларын иеліктен шығаруға байланысты барлық мәмілелерді жарамсыз деп тану туралы талап арызбен жүгінді.
«Соттың 2022 жылғы 29 желтоқсандағы шешімімен прокуратураның талап арызы толық көлемде қанағаттандырылды. Сот актісі 13 наурызда күшіне енді», – деп толықтырды мемлекеттік орган.
Бүгінгі таңда «Азаматтарға арналған үкімет» КЕАҚ сотының шешімін орындау аясында Алматы әкімдігіне меншік құқығын тіркеу, ал Әділет департаменті нысандарды мемлекет пайдасына беру бойынша жұмыстар бастады.
фото: newsroom.kz
