|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақмола облысында арықтағы судың қызыл-қоңыр түске өзгеруі жергілікті тұрғындарды алаңдатты. Мәселе бойынша экологтар тексеру жүргізіп, су сынамаларын алды, - деп хабарлайды Dauletten.kz.
Ақмола облысы Бұланды ауданына қарасты Макинск қаласында арықтағы судың түсі қызыл-қоңыр түске өзгеріп, тұрғындар арасында алаңдаушылық туғызды. Жергілікті халықтың айтуынша, мұндай жағдай алғаш рет емес, соңғы бірнеше жыл бойы қайталанып келеді.
Куәгерлер бұл жағдайды қала маңында орналасқан жылуоқшаулағыш материалдар өндіретін кәсіпорынның қызметімен байланыстырып отыр. Осыған орай Экология департаменті жоспардан тыс тексеру жүргізіп, су нысанынан сынамалар алған.
Зертханалық талдау нәтижесінде су құрамындағы кейбір ластаушы заттардың мөлшері рұқсат етілген шекті деңгейден бірнеше есе жоғары екені анықталды. Сонымен қатар тексеріс барысында кәсіпорын тарапынан экологиялық талаптардың толық сақталмағаны белгілі болды.
Қазіргі уақытта уәкілетті органдар анықталған заң бұзушылықтар бойынша тиісті шаралар қабылдау мәселесін қарастырып жатыр.
