|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Вашингтонда жүздеген адам шеруге шығып, Илон Масктың отставкасын талап етті, - деп хабарлайды Dauletten.kz.
Вашингтонда демократиялық заң шығарушылар АҚШ мемлекеттік тиімділік департаментінің (DOGE) басшысы Илон Масктың әрекеттеріне қарсы наразылық акциясын ұйымдастырды. Ереуілге сенаторлар, конгрессмендер, заңгерлер мен киберқауіпсіздік сарапшылары қатысып, Маск басқаратын мемлекеттік тиімділік департаментінің қаржы министрлігіне қарасты төлем базасына кіруіне қарсылық білдірді. Олардың пікірінше, бұл қадам салық төлеушілердің жеке мәліметтерінің құпиялылығына қайшы келеді. Ал Маск өз кезегінде бұл деректерге мониторинг жүргізу арқылы артық шығынды азайту қажет екенін алға тартқан.
Наразылықты ұйымдастырушылардың бірі Чак Шумер Илон Маскты азаматтардың жеке өміріне қол сұғуда деп айыптады.
- Біз Илон Маскқа жеке мәліметтерімізге, қаржымызға және өмірімізге қол жеткізуге мүмкіндік бере алмаймыз. Жеңіске жеткенше күресеміз, тоқтамаймыз, – деді ол.
