Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Ақтау маңындағы ұшақ апатын тергеудің алдын ала қорытындысы келесі аптада жарияланады, - деп хабарлайды Dauletten.kz.
Премьер-министрдің орынбасары Қанат Бозымбаев 24 қаңтардағы баспасөз конференциясында осылай деп мәлімдеді.
– Қазір қара жәшіктен аудиолар қаралып жатыр және басқа да ұшақтың режимдерін қарап, (мамандар - ред.ескертпесі) оларды сәйкестендіріп жатыр. Әрине, ол - біраз жұмыс. Өйткені оны дәлелдеу үшін тексеру жүргізіледі: олардың дауысы ма басқа адамдардың дауысы ма, қай минут, қай секундта не айтқаны, кім қандай бұйрық бергені. Сол мәселені, менің ойымша, келесі аптада бітіретін сияқтымыз. ИКАО талаптарына сәйкес, бір айдың ішінде тергеудің алдын ала қорытындысы жариялануы керек. Біздің Көлік министрлігі тиісті ақпаратты жариялайды, - деді Қанат Бозымбаев.
Еске сала кетейік, Azerbaijan Airlines (AZAL) Embraer жолаушы ұшағы 2024 жылғы 25 желтоқсанда Ақтау қаласынан 30 шақырым жерге құлады.