Жаңалықтар

«Президент сенімін ақтау керек»: Бектенов жаңа министрлерге талап қойды

08.09.2026

мин

0

71

Сурет: Masa.Media

Премьер-министр Олжас Бектеновтің төрағалығымен жаңартылған құрамдағы Үкіметтің алғашқы отырысы өтті. Жиын барысында жаңадан тағайындалған Төтенше жағдайлар министрі Мұрат Мұханов ант беріп, ресми түрде өз қызметіне кірісті, — деп хабарлайды Dauletten.kz.

Жаңа министрдің анты

«Қазақстан Республикасының Үкіметі туралы» Конституциялық заңның талаптарына сәйкес, отырыс басында Төтенше жағдайлар министрі Мұрат Мұханов салтанатты түрде ант қабылдады.

Елді дамытудың басты бағыттары

Үкімет басшысы Олжас Бектенов елдің саяси және экономикалық жаңғыруға қадам басқан тарихи кезеңінде атқарылатын жұмыстардың маңыздылығына тоқталды. Оның айтуынша, Мемлекет басшысы жүктеген міндеттерді барлық салада жүйелі әрі сапалы жүзеге асыру — басты міндет.

Үкімет басшысы өз сөзінде «Заң мен Тәртіп» және «Таза Қазақстан» принциптері жұмыстың негізгі темірқазығы болуы тиіс екенін баса айтты.

«Шешімді жедел қабылдайтын уақыт»

Үкіметтің жұмысы жоғары қарқынмен жүруі керектігін ескерткен Премьер-министр министрлер кабинетіне нақты нәтижеге бағытталған қадамдар жасауды тапсырды.

- Қазір толық жауапкершілікті мойнымызға алып, нақты нәтижелерге қол жеткізу үшін қажетті шешімдерді жедел қабылдайтын уақыт. Бәріміз Президенттің жоғары сенімін толығымен ақтауымыз керек, – деп түйіндеді сөзін Олжас Бектенов.