Жаңалықтар

«Инфрақұрылымсыз үй соғылмайды»: Астана билігі шеткі аудандардағы құрылысқа тосқауыл қойды

08.09.2026

мин

0

68

Сурет: El.kz

Елордада инженерлік желілері мен әлеуметтік инфрақұрылымы дамымаған шеткі аумақтарда көппәтерлі үйлер салуға және жер учаскелерін бөлуге 2035 жылға дейін тыйым салынды, — деп хабарлайды Dauletten.kz.

Қала билігі бұл қадамды Астананы ретсіз құрылыстан қорғау және кешенді дамыту мақсатында қабылдағанын хабарлады.

Қай аумақтар шектеуге түсті?

Әкімдік бекіткен жаңа талаптар негізгі жоспарлау құжаттары әлі әзірленбеген және инфрақұрылымы дайын емес аумақтарды қамтиды. Тізімге мына бағыттар енді:

 К-1 айналма жолының солтүстік және солтүстік-шығыс бөлігі;

 Өндіріс және Алаш тасжолдарының бойы;

 Астана–Қарағанды тасжолы маңындағы айналма жолдың шығыс секторы.

Сондай-ақ, көлік магистральдарының бөлінген белдеулерінде де күрделі нысандар соғуға ресми түрде рұқсат берілмейді.

Мақсат – ретсіз құрылысты тоқтату

Шенеуніктердің сөзінше, бұл шешім қаланың шеткі аудандарын өркендетуді мүлдем тоқтатуды білдірмейді. Басты міндет – нүктелік әрі бақылаусыз құрылысқа жол бермей, алдымен жарық, су, жылу және әлеуметтік нысандарды жүргізіп алып, содан кейін ғана жүйелі түрде дамыту.