|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ветеринар Андрей Леваковскийдің айтуынша, оқиға кешкі уақытта клиникада болған. Отбасымен және мысығымен келген жасөспірім маманға көршілес дәріханаға қарумен ер адамның кіргенін айтқан. Леваковский бірден полицияға хабар берген, - деп хабарлайды Dauletten.kz.
- Мен клиникадан адамдарды шығарып, көліктеріне отырып, кетулерін сұрадым, дүрбелең тудырмау үшін осылай жасадым. Содан кейін 102-ге қоңырау шалдым. Бір жарым минут ішінде үш экипаж келді. Алайда бұл қалжың болып шықты – жас жігіт дәріхана қызметкеріне әзілдегісі келген екен, – деді ветеринар.
Тексеру нәтижесінде учаскелік инспектор бұл шақыртуды жалған деп тіркеп, Леваковскийге айыппұл салды.
- Полиция маған қарудың бар-жоғын анықтау керек еді деді. Бірақ ақыл-есі дұрыс адам қарудың шынайы не жалған екенін тексеруге бара ма? Дегенмен, бәрібір көмектесу керек деп санаймын. Жағдай жақсы аяқталды, бұл әлдеқайда дұрыс, себебі қайғылы жағдай болуы да мүмкін еді, – деп атап өтті Леваковский.
Маңғыстау облыстық полиция департаментінің баспасөз қызметі ветеринарға айыппұл салынғанын растады. Ал “қалжыңдаған” адамға ұсақ бұзақылық фактісі бойынша әкімшілік жауапкершілікке тартылатынын мәлімдеді.
