|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе облысында боранды түнде далада қалған 5 адам құтқарылды, - деп хабарлайды Dauletten.kz.
Ақтөбе облысы Хромтау ауданына қарасты Абай ауылына жақын маңда екі ер адам ауа райының қолайсыздығына қарамастан малды тексеруге шығып, қарда тұрып қалған.
Оқиға орнына шұғыл жеткен құтқарушылар қарға тұрып қалған жеңіл көлікті эвакуациялап, адамдарды аман-есен құтқарды.
Құтқарушылар қайтып келе жатқанда, жолда қарда қалып қойған, ішінде екі адамы бар тағы бір жеңіл көлікті байқап, оларға да көмек көрсетті.
Барлық азамат тұрғылықты мекенжайларына жеткізілді. Зардап шеккендер жоқ.
Сондай-ақ Ақтөбеде төтенше жағдайлар саласының кезекшілік нөміріне ауа райының қолайсыздығына қарамастан мал жаюға шығып, байланысқа шықпай қалған 1959 жылы туған ер адамның жоғалғаны туралы хабар түсті. Іздестіру жұмыстарының нәтижесінде облыс орталығының Құршысай тұрғын алабынан 8 шақырым жерде құтқарушылар боран салдарынан бағдарынан айырылған адамды тапты. Оған медициналық көмек қажет болмады.
