|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбеде заңсыз онлайн-казино ұйымдастырған 9 адамға қатысты сот үкімі шықты, – деп хабарлайды Dauletten.kz.
Тергеу мәліметінше, қылмыстық топ 2022 жылдан 2024 жылға дейін интернет арқылы құмар ойындарын ұйымдастырып, жалпы сомасы 306 миллион теңге табыс тапқан.
Қылмыстық табысты жасыру мақсатында топ мүшелері дроперлердің банк карталарын пайдаланып, қаражатты қолма-қол айналдырған. Ал ұйымдастырушылардың бірі бұрын да дәл осындай іс бойынша жауапқа тартылғанына қарамастан, заңсыз әрекетін тоқтатпаған.
Сот шешімімен ұйымдастырушы 9 адам кінәлі деп танылып, оларға 2 жылдан 9 жылға дейін бас бостандығынан айыру жазасы тағайындалды. Сонымен қатар, қылмыстық жолмен алынған "Toyota" және "Lexus" көліктері тәркіленді.
Сот шешімі әлі заңды күшіне енген жоқ.
