|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты Арал теңізін сақтап қалу үшін суды дұрыс бөлу қажет екенін айтты, - деп хабарлайды Dauletten.kz.
Арал теңізіне жыл сайын жеткілікті көлемде су жетпей, экологиялық жағдай күрделене түсуде. Солтүстік Аралды қалыпты деңгейде ұстап тұру үшін жыл сайын кемінде 2,5–3 млрд м³ су қажет болса, соңғы жылдары бұл көрсеткіш айтарлықтай төмендеп кеткен. Бұл ретте, Сырдария өзені арқылы жіберілетін судың бір бөлігі Аралға жетпей, Өзбекстандағы Арнасай көлдер жүйесіне бағытталуда.
Осы мәселені көтерген Мәжіліс депутаты Мұрат Ергешбаев ҚР Премьер-Министрінің орынбасары Қанат Бозымбаевқа жолдаған депутаттық сауалында Арнасайға су жіберуді дереу тоқтатуды және Шардарадан төменге тасталатын судың көлемін 650 м³/сек деңгейіне жеткізуді ұсынды.
– Соңғы жылдары Өзбекстандағы Арнасайға су жіберу жалғасып келеді. Бұл 2023 жылы су тасқынының алдын алу үшін жүзеге асса, 2024 жылдан бастап жоспарлы түрде жүргізілуде. Соның салдарынан ақпан айында Сырдарияның төменгі ағысына түсетін су көлемі 100 м³/сек-қа, наурызда 200 м³/сек-қа азайды. Егер бұл жағдай жалғаса берсе, Солтүстік Аралдың толықтай тартылу қаупі туындайды. Сондықтан бұл мәселені мемлекетаралық деңгейде көтеріп, Аралды толтыруды басымдық ретінде қарастыру қажет, – деді депутат.
Сыр өңірінің экономикасы мен экологиясы тікелей Сырдария өзені мен Арал теңізінің жағдайына тәуелді. Депутат мәселені шұғыл қарастырып, тиісті шешімдер қабылдауды сұрады.
