|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жұмыс істейтін зейнеткерлерді мемлекеттік зейнетақыдан айыру идеясы қоғамда алаңдаушылық тудырды, - деп хабарлайды Dauletten.kz.
Осыған қатысты Мәжіліс депутаты Асхат Аймағамбетов пікір білдірді.
- Бұл бастама бюджетті оңтайландырудың әділетті жолдарын іздеудің орнына, мемлекеттің ең осал тобына ауыртпалық салғандай көрінеді. Көптеген зейнеткерлердің ең төменгі зейнетақыға күн көріп отырғанын түсіну қажет. Конституцияның 28-бабы кепілдік беретін, жасына сай әлеуметтік қамтамасыз етудің осы аз ғана табысы да қауіпке түскендей. Қажетті қаржыны адамдар қарсы тұра алмайтын саладан іздеп жатқандай көрінеді. Алдымен онкологиялық науқастарды емдеуге бөлінетін қаражатты қысқарту, содан кейін хоспистер мен ауыр науқастарға қолдауды азайту ұсынылды, енді жұмыс істейтін зейнеткерлерге ауыз салынуда, - деді Аймағамбетов.
Депутаттың айтуынша, көптеген зейнеткерлер қажеттіліктен жұмыс істейді, себебі табысы негізгі мұқтаждықтарын өтеуге жетпейді.
- Бюджетті үнемдеу қажет, бірақ білім беру, денсаулық сақтау, зейнетақы, жәрдемақы және азаматтарымыздың еңбекақысынан үнемдеуге болмайды. Форумдар, мерекелік безендірулер, жаңа әкімшілік ғимараттар салу, қажетсіз үлкен стадиондар, шетелдік легионерлердің жалақылары сияқты шығындарды қысқартсақ, тапшылықты жабуға жеткілікті болар еді, - деді Асхат Аймағамбетов.
Тағы көру
