| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада жеңіл рельсті көлік (LRT) жүйесінде жұмыс істейтін мамандарды қабылдау басталды, - деп хабарлайды Dauletten.kz «City Transportation Systems» компаниясына сілтеме жасап.
Компания мәліметінше, болашақ қызметкерлер арнайы оқудан өтеді. Оқыту толықтай жұмыс берушінің есебінен жүргізіледі. Теориялық және тәжірибелік сабақтар Қазақстан мен Қытайда өтеді. Оқу мерзімі мамандық бағытына қарай 4–6 ай аралығында белгіленген.
Бағдарламаны сәтті аяқтаған тыңдаушыларға халықаралық үлгідегі сертификат табысталып, олар LRT жүйесінің бөлімшелерінде тұрақты жұмысқа орналасады.
Үміткерлерге қойылатын негізгі талаптар:
- Көлік, машина жасау, электр техникасы немесе осыған ұқсас салалар бойынша жоғары немесе орта арнаулы білім;
- Кемінде екі жылдық жұмыс тәжірибесі.
Толық ақпарат пен біліктілік талаптары cts.gov.kz сайтында жарияланған. Түйіндемелер де осы сайт арқылы қабылданады.