|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанадағы медколледжде марқұм батыр қыздың есімі мәңгі қалу үшін сынып ашылады, - деп хабарлайды Dauletten.kz.
Астанадағы Медициналық колледжде биыл басына кондиционер құлап қаза тапқан 23 жастағы фельдшер Ұлдана Мырзуанның атына арнайы аудитория ашылады. Бұл бастаманы Денсаулық сақтау министрі Ақмарал Әлназарова Мәжіліс кулуарында жариялады.
Министр атап өткендей, қайғылы оқиға бойынша тергеу әлі жалғасып жатыр. Құрылыс нормалары мен қауіпсіздік талаптарының бұзылуы осы жағдайға әсер еткен болуы мүмкін.
- Марқұм Ұлдана Мырзуан білім алған колледжде оның аты берілген аудитория ашу жоспарымызда бар, – деді министр.
Еске салайық, биыл Тәуелсіздік даңғылы бойындағы тұрғын үй кешенінде сыртқы кірпіш пен кондиционер құралы құлап, бес адам зардап шеккен еді. Өкінішке орай 18 қарашада қаршадай батыр қызымыз ауруханада көз жұмды. Оған президент жарлығымен "Ерлігі үшін" медалі берілген.
