|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл Астанада соғыс ардагерлерге төленетін төлем сомасы екі есеге ұлғайып, 2 млн теңгеге жетті.
Бұл туралы қала әкімінің ресми сайты хабарлаған. Ал оларға теңестірілген азаматтар 166 мың теңге көлемінде бір реттік төлем алады.
«Астана әкімдігінің шешімі бойынша Ұлы Отан соғысындағы Жеңістің 79 жылдығына орай ҰОС ардагерлеріне төленетін төлем сомасы екі есеге ұлғайды. Осылайша, ҰОС ардагерлері 2 миллион теңгеден алады. Бүгінгі таңда елордада ҰОС-тың 7 ардагері тұрады. Сонымен қатар, төлемдерді Ұлы Отан соғысының ардагерлеріне теңестірілген ардагерлер 45 АЕК (166 140 теңге) мөлшерінде төлем алады», - деп хабарланған әкімдіктің ресми сайтында.
Сонымен қатар, дереккөзге сүйенсек, басқа мемлекеттердің аумағындағы әскери іс-қимылдарының ардагерлері 45 АЕК (166 140 теңге), «Ардагерлер туралы» Қазақстан Республикасы Заңының күші қолданылатын басқа адамдар (тыл еңбеккерлері, қаза тапқан әскери қызметшілердің отбасылары, қайтыс болған ҰОС мүгедегінің жұбайы (зайыбы) – 15 АЕК (55 380 теңге) мөлшерінде төлем алады.
