|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Атырау – Орал тас жолында болған қайғылы апат төрт адамның өмірін жалмады, - деп хабарлайды Dauletten.kz.
Атырау облысының Полиция департаменті хабарлағандай, 26 қазан күні таңғы сағат 4:00 шамасында Атырау – Орал тас жолында патрульдік полиция қызметкерлері Ресей нөмірі бар Daewoo Nexia автокөлігін тоқтатқан. Тәртіп бұзу жол ережесін сақтамағаны үшін болған. Полицейлер әкімшілік хаттама толтырып, жүргізушіге түнгі уақытта ерекше мұқият болу керектігін ескерткен.
Екі сағаттан кейін, таңғы 6:00 шамасында, қайғылы оқиға орын алды. 38 жастағы Daewoo Nexia жүргізушісі басқару тетігінен айырылып, қарсы жолаққа шығып, жүк көлігімен соқтығысқан. Қақтығыс нәтижесінде жүргізуші мен үш жолаушы оқиға орнында көз жұмды, ал автокөлікті өрт шарпыды. Қылмыстық іс қозғалып, қайғылы оқиғаның барлық мән-жайын анықтау үшін кешенді тергеу жүргізілуде.
- Аса құрметті жол қозғалысына қатысушылар! Жол қателіктерді кешірмейді! Түнде ұзақ сапарларға шықпаңыздар және шаршаған күйде көлік басқармаңыздар, өз өмірлеріңіз бен басқа адамдардың өміріне қауіп төндірмеңіздер. Жол қозғалысы ережелерін сақтаңыздар, - деп ескертті Атырау облысының полиция департаменті.
