|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты Ерлан Саиров Ұлттық құрылтайда Мемлекет басшысы Қасым-Жомарт Тоқаев айтқан сыны еске сала отырып, QazaqGaz компаниясының жұмыс тиімділігін сынға алды. Депутат өндіріс көлемі мен қызметкерлер саны арасындағы сәйкессіздікке назар аударды, - деп хабарлайды Dauletten.kz.
Мәжіліс депутаты Ерлан Саиров Ұлттық құрылтайдағы сөзінде Президент Қасым-Жомарт Тоқаевтың QazaqGaz жұмысына қатысты айтқан сынын еске салды.
- Ұлттық құрылтайда сөйлеген сөзінде Мемлекет басшысы Қасым-Жомарт Тоқаев QazaqGaz-дың жұмысын қатаң сынға алды. Өндіретіні 350 млн куб, 10 мың адам жұмыс істейді. Былайша айтқан кезде айдағаны бес ешкі, ысқырығы жер жарады. Мемлекет басшысының сынынан қандай қорытынды жасады? Осы Қазақстанның өзінде газ өнімін арттыру үшін олар қандай жоспар жасап отыр?, - деп сұрады Мәжіліс депутаты.
Депутат Қазақстанда газ өндірісін арттыру үшін нақты жоспарлар жасалуы керегін айтты. Сондай-ақ, ол компания құрылымындағы тиімсіздік пен басқару жүйесіне ерекше назар аудару қажеттігін атап өтті. Саировтың пікірінше, өндіріс көлемі мен штат саны арасындағы сәйкессіздік мемлекеттік компания жұмысының тиімділігіне күмән тудырады.
