|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде білім беру сапасын арттыруға бағытталған реформаларға қарамастан, мектеп жүйесінде шешімін таппаған мәселелер бар. Соның ішінде сыбайлас жемқорлықтың таралуы білім сапасының төмендеуіне тікелей әсер етуде, - деп хабарлайды Dauletten.kz.
Мәжіліс депутаты Темір Қырықбаев ҚР Премьер-Министрінің орынбасары Ермек Көшербаевқа жолдаған депутаттық сауалында білім беру саласындағы жемқорлық деректеріне тоқталып, оны жүйелі түрде жою қажеттігін көтерді.
– Сыбайлас жемқорлыққа қарсы іс-қимыл агенттігінің мәліметі бойынша, 2023 жылдың басынан бері білім беру саласында 303 қылмыстық іс тіркеліп, жалпы шығын 17,5 млрд теңгені құрады. Көптеген қаржы жымқыру фактілері Жетісу, Түркістан, Қызылорда, Алматы облыстары мен Алматы қаласында анықталды. Бұл өңірлерде қаржылық бақылаудың әлсіздігі байқалады, – деді депутат.
Сонымен қатар педагогтарды жұмысқа қабылдауда заңсыз әрекеттердің сақталып отырғанын атап өтті. Аймақтарда мұғалімдікке орналасу үшін пара беру фактілері жиі кездесетіні, тіпті лаборант немесе техникалық қызметкер болу үшін де заңсыз ақша талап етілетіні туралы мәселелер көтерілуде.
Осыған байланысты депутат Үкіметке білім беру саласындағы кадрларды басқарудың бірыңғай электрондық базасын құруды жеделдетуді, жұмысқа қабылдау процесінің ашықтығын қамтамасыз етуді және қоғамдық бақылауды күшейтуді ұсынды.
