|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл қаңтар-мамыр айларында 6,5 мың мүгедектігі бар адам нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына қатысушылар құрамына қосылды.
Оның ішінде 2 мыңға жуық адам тұрақты жұмыс орындарына, 4,5 мың адам уақытша жұмысқа (әлеуметтік жұмыс орындары, жастар практикасы, қоғамдық жұмыстар) орналастырылды.
«Еңбек» мемлекеттік бағдарламасы шеңберінде 29 адам микрокредит алды, оның 24-і жеке ісін ашты, ал 106 адам грант алды. Сонымен қатар «Халықты жұмыспен қамту туралы» заңға сәйкес жергілікті атқарушы органдар еңбек жағдайлары ауыр, зиянды, қауіпті жұмыс орындарын есепке алмағанда, мүгедектерге арналған жұмыс орындарына жұмыс орындарының санынан екі-төрт пайыз мөлшерінде квота белгілеу арқылы халықты жұмыспен қамту саласындағы мемлекеттік саясатты іске асыруды қамтамасыз етеді.
Заң нормаларын жүзеге асыру кезінде мүгедектерге арналған жұмыс орындарын квоталау қағидалары бекітілді. 2020 жылдың 1-тоқсанының қорытындысына сәйкес квота бойынша 12 мың адамды жұмысқа орналастыру белгіленген, оның ішінде 3 мың мүгедек жұмысқа орналастырылды (2019 жылы 4 мың, 2018 жылы 4,9 мың, 2017 жылы 2,9 мың).
Биыл республикалық бюджеттен көру, есту қабілеті және тірек-қимыл аппараты бұзылған мүмкіндігі шектеулі жандар үшін 31 арнайы жұмыс орнын құруға 34,3 млн теңге қарастырылған.
Естеріңізге сала кетейік, Қазақстанда 695 мың мүгедек тұрады, оның ішінде 424 мыңы еңбекке қабілетті жаста (61%), 112 мың адам жұмыс істейді.
Тағы көру
