Шағын бизнесті 6%-дан аспайтын мөлшерлеме бойынша микрокредиттеу осы айдан бастап жүзеге асырылады. Бұл туралы халыққа есеп беру барысынды ұлттық экономика министрі Руслан Дәленов айтты, деп хабарлайды Dauletten.kz тілшісі BAQ.KZ сайтына сілтеме жасап.
Шағын бизнесті қолдау - маңызды мәселе. Несиелер мен кепілге қолжетімділік мәселесін шешу - микробизнестің даму факторы. Сондықтан "Бизнестің жол картасы - 2025" мемлеттік бағдарламасына "микро және шағын бизнесті микрокредиттеу" жаңа бағыты қосылады, - деді министр.
Министр атағандай, жаңа бағыт 6%-дан аспайтын мөлшерлеме бойынша субсидиялау арқылы қаржыландыруды көздейді.
Кредит көлемі айналымдағы құралдарды толықтыруға 5 млн теңгеге дейін, өндірістік қажеттілікке 20 млн теңгеге дейін беріледі. Бұл микробизнес өкілдерін кең көлемде қамтуға мүмкіндік туғызады. Сондай-ақ бизнес субъектілерінің кепілінің жеткіліксіздігі жөніндегі мәселе де шешімін тапты - Даму қоры негізгі ұзақ займның 85%-ына дейін кепілдендіреді. Жаңа бағыт "Бизнестің жол картасы - 2025" мемлекеттік бағдарламасына өзгерістер енгізуді, сондай-ақ рәсімдер мен ЕДБ-ні тартуды талап етеді. Жаңа бағытты осы ай ішінде іске қосу жоспарланып отыр, - деді Руслан Дәленов.
Маған 20 млн қажет бизнес бастауым үшін. Менің бизнес планым да дайын. Бірақта банк тарапынан залог дұрыс болмай тұр дейді. Яғни жылжымайтын мүлік қалада болуы тиіс деп жатыр. Сонда біз бір несие аламыз деп ата анамызды тастап кетуіміз қажет пе. айтеуір бір сылтау айтып бермеудің әрекеті. Сонда ол бөлінген қаржыны халыққа бермегенде кімге береді деген сұрақ? Халық білгеннен соң айта ма деген ой осы тарапта. Банкирлер немесе менеджерлер өз туған туыс баур көрші қолаңдарына береді деген ой. Кімге барып шағымдануыңды да білмейсің. Ішімдегі бизнесім өртеніп жанып тұр. Но орындала ма деген ой.
