Жаңалықтар

Болат Назарбаев қайтыс болды – БАҚ

13.11.2023

1 мин

0

756

Фото: paryz.kz порталынан

Тұңғыш президент Нұрсұлтан Назарбаевтың туған інісі Болат Назарбаев қайтыс болды, деп хабарлады Ratel.kz.

"13 қараша күні сағат 9:28-де жүрек қызметі тоқтатылды (асистолия). 23 минут ішінде реанимациялық іс- шаралар өткізілді, олар тиімсіз болып шықты", - деп хабарлайды дереккөз.

4 қарашада БАҚ Болат Назарбаевтың ауыр жағдайы туралы тағы да жазды. Экс-президенттің інісі қайтадан инфарктпен ауруханаға жатқызылғаны, оның жағдайы ауыр және тұрақсыз екені айтылған еді.

Болат Назарбаев 1953 жылы 23 наурызда Алматы облысы Шамалған ауылында дүниеге келген.

• 1973-1988 жылдары "Шамалған" кеңшарында механик, аға механик, бригадир, директордың орынбасары болған.
• 1988-1989 жылдары – Қаскелең қаласы нан зауыты директорының орынбасары. 1989 жылдан 1992 жылға дейін кәсіпкерлік қызмет атқарған.
• 1992-1997 жылдары "Инкар Агро" ЖШС-ның вице-президенті болды. Ол – BN Invest холдингінің директоры.
• 2016 жылы Назарбаев "Салиқалы ұрпақ" қайырымдылық ұйымын құрды.
• 2022 жылдың шілдесінде БАҚ Болат Назарбаевқа пневмония, тромбоз және қант диабетімен асқынған көмей обыры диагнозы қойылғанын жазды.

Елбасының баспасөз хатшысы Айдос Үкібай әлеуметтік желідегі парақшасында ақпаратты растады.