|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Dauletten" қоры 74-баспананың кілтін төрт балалы анаға сыйлады, - деп хабарлайды Dauletten.kz.
"Жұмыла көтерген жүк жеңіл" демекші, "Dauletten" қайырымдылық қоры жүрегі таза, мейірімді азаматтардың қолдауымен тағы бір отбасыға бақыт сыйлап, баспананың кілтін табыстады.
Қостанай облысы Арқалық қаласында өмір сүріп жатқан Нұргүлдің отбасы қиындықтарды көзімен көріп, жүрегімен сезінген жандардың қатарында. Төрт баласын асырау үшін аядай ғана бөлмеде көмір тасып, от жағып, тіршілік етуге мәжбүр болған ана балаларының жайлы үйде тұрғанын армандады. Мектепке еден жуушы болып жұмысқа кірген. Жұмысқа кеткен кезде балаларына 6-сынып оқитын қызы қарайтын. Өмірдің қиындықтарына қарамастан, бұл отбасы қол жайып, көмек сұрамады, бірақ жүректерінде үміт оты сөнген жоқ.
Алайда "Dauletten" қоры бұл отбасының жағдайына бей-жай қарай алмады. Қалың жұртшылықпен бірігіп, бұл отбасының баспаналы болуына жол ашты. Осылайша бұл жанұяға 16 миллион теңгеге көпқабатты үйден екі бөлмелі пәтер, 1 миллион теңгеге үйге қажетті құрал-жабдықтар алынды.
Нұргүлдің сөздері арқылы біз осы бжақсылықтың маңыздылығын ұғына аламыз.
– Ескі үйде пеш болған соң жұмыста балаларды алаңдаумен жүретінмін. Жұмыс істемесең, тағы болмайды. Міне, қайырымды жандардың арқасында, "Dauletten" қорының көмегімен берекелі баспанамызға кіріп отырмыз. Өте қуаныштымыз! Бұл жақсылықты ешқашан ұмытпаймыз. Баршаңызға шексіз алғысымызды білдіреміз, - деді ана.
Айта кетейік, "Dauletten" қайырымдылық қоры 2019 жылдан бері осындай көптеген мұқтаж отбасыға көмек көрсетіп келеді. Әрбір көмек – болашаққа деген үміт пен сенімнің белгісі.
