Бүгін "Dauletten қайырымдылық қоры" елімізде тұңғышрет ашылған Нұр-Сұлтан қаласындағы "Жастар" театры жанынан құрылған "Qanattylar" инклюзивті театрының мүшелерімен кездесті.
Кездесуде Жастар театрының директоры Әділ Ахметов, «Қанаттылар» театрының жетекшісі Арнұр Ысқақов болды.
Дәулет Төлеутайұлы және "Dauletten қайырымдылық қоры" "Qanattylar" инклюзивті театрының ашылуына қолдау білдіріп, қор тарапынан 1 млн теңгелік сертификат табыстады. Ерекше қажеттілігі бар адамдарды шығармашылықпен айналысуға мүмкіндік беретін тетатрға алдағы жұмыстарына сәттілік тілеп, ізгі тілектерін білдірді.
Мейірім мен ізгіліктен жаралған қос қанаты бар ерекше жандардың өнерлері үстем болып, шығармашылықтары шарықтай берсін. Өнерді бағалайтын көрермен қатары көбейіп, еңбектеріңіз табысты болсын.
Сіздерді 1 қараша күні "Qanattylar" инклюзивті театрының қойылымына шақырамыз.
