Жаңалықтар

Деректерді өңдеу орталықтары алқабы құрылады — Президент

24.04.2026

мин

0

103

Сурет: Ақорда

Мемлекет басшысы елімізде Деректерді өңдеу орталықтарының алқабын құру жоспарын жариялады, — деп хабарлайды Dauletten.kz. 

Бұл туралы Президент Alem.ai battle және AI Governance Cup байқауларының жеңімпаздарын марапаттау рәсімінде айтты.

Мемлекет басшысының сөзінше, жаңа жоба ауқымды цифрлық инфрақұрылымды дамытуға бағытталған.
 

- Келесі мақсат – елімізде Деректерді өңдеу орталығы алқабын құру. Аталған ауқымды жобаны іске асыру жаңа инвестиция тартуға және өңірлік цифрлық хаб ретіндегі позициямызды күшейтуге мүмкіндік береді, – деді Президент.

Сонымен қатар ол жаппай цифрландыру мен жасанды интеллектіні енгізу елдің жан-жақты жаңғыруының негізгі факторларының бірі екенін атап өтті. Бұл үрдіс мемлекеттік басқару жүйесінен бастап креативті индустрияға дейінгі көптеген салаларды қамтитыны айтылды.