|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ұлттық банк төрағасы Тимур Сүлейменовтен доллар бағамының 600 теңгеге дейін көтерілуі мүмкін бе деген сұрақ қойылды. Сүлейменов теңге бағамы тұрақты болып, 600 теңге деңгейіне жетпейді деген үмітін білдірді, - деп хабарлайды Dauletten.kz.
- Мен қарапайым адам ретінде де, Ұлттық банк қызметкері ретінде де айтсам, мұндай жағдай ұзақ уақыт бойы болмайды деп үміттенемін. Экономика, үкімет және әртүрлі даму институттарының бірлескен шаралары ішкі өндірісті арттырып, импортты азайтуға, сауда және төлем балансын нығайтуға мүмкіндік береді деп сенемін. Экспорттық валюта түсімінің артуы арқылы ішкі нарықта доллардың көлемі көбейіп, оның құны төмендейді, ал теңге күшейеді. Осы шаралар көмектеседі деп үміттенемін, және біз 600 теңге деңгейін ұзақ уақыт бойы көрмейміз деп ойлаймын. Осыны бәрімізге тілеймін, – деді Ұлттық банк басшысы.
Тимур Сүлейменовтің айтуынша, бұл үшін Ұлттық банк үкіметпен бірлесе жұмыс істеуі қажет.
- Осы үшін жұмыс істеуіміз керек, үкіметпен жұмысты үйлестіру қажет. Сонымен қатар, әрқайсымыз да еңбек етуіміз керек деп санаймын. Себебі біздің экономикамыз нарықтық, бізде үйлер салатын, өнім, минералды су, қағаз немесе жиһаз өндіретін мемлекеттік трестер жоқ. Мұның бәрін нарық атқарады. Несие алып, инвестиция салған қазақстандықтар осының бәрін жүзеге асырып жатыр. Сондықтан егер біз импортқа тәуелділікті азайта алсақ, теңге бағамы да күшті болады, – деп түсіндірді ол.
