Жаңалықтар

Алматыда доллар арзандады

06.04.2026

мин

0

265

Сурет: Егемен Қазақстан

Алматыда доллар бағамы 465 теңгеге дейін төмендеді. Ұлттық банк өкілдері халықты қаржыны шетел валютасында сақтамауға шақырып отыр, — деп хабарлайды Dauletten.kz. 

Қазіргі таңда Алматыдағы айырбастау пункттерінде доллар 465–467 теңге аралығында сатылып, 461–463 теңгеден сатып алынуда. Бұл соңғы күндері америкалық валюта бағамының төмендегенін көрсетеді.

Ал Астанада доллар шамамен 470 теңгеден сатылып жатыр. Ұлттық банктің ресми бағамы 470,46 теңге деңгейінде белгіленген.

Ұлттық банк төрағасы Тимур Сүлейменовтің айтуынша, долларды жинақ құралы ретінде қарастыру тиімді емес. Оның орнына квазимемлекеттік компаниялардың облигациялары мен Қаржы министрлігінің мемлекеттік бағалы қағаздары тұрақты табыс әкелетін сенімді құрал ретінде ұсынылады.

Сондай-ақ ол ұлттық валютаға деген сенімнің маңызын атап өтіп, теңгеге деген сұраныс артқан сайын оның тұрақтылығы да күшейетінін жеткізді.