Жаңалықтар

Елде қоғамдық тыныштыққа қатысты 79 мың заңбұзушылық тіркелді

21.09.2026

мин

0

104

Сурет: El.kz

Елде тыныштық режимін бұзатындарға қарсы бақылау күшейді. Тәртіп сақшылары жыл басынан бері қоғамдық тәртіпті елемей, тұрғындардың мазасын алған 79 мыңнан астам азамат пен нысанды жауапкершілікке тартты, — деп хабарлайды Dauletten.kz.

Азаматтардың жайлылығын сақтау мақсатында полиция қызметкерлері рейдтік тексерулер мен алдын алу шараларын жиілетті. Тұрғын үй аулаларындағы шу мен ойын-сауық орындарындағы тәртіпсіздікке қатысты шағымдар негізінде ауқымды жұмыстар жүргізілуде.

Статистика не дейді?

Тәртіп сақшыларының дерегінше, жыл басынан бері тіркелген негізгі құқық бұзушылықтардың көрсеткіші төмендегідей:

 Тыныштықты бұзу: Рұқсат етілмеген уақытта шулап, көршілердің мазасын қашырған 79 мың дерек әшкереленді.

 Заңсыз фейерверктер: Тұрғындардың қауіпсіздігіне қатер төндіріп, пиротехникалық бұйымдарды бей-берекет қолданған 269 жағдайдың жолы кесілді.

 Бизнеске талап: Ойын-сауық және қоғамдық тамақтану орындарының иелеріне тәртіп сақтау бойынша 8 мыңнан астам ресми ескерту жіберілді.

Тұрғындардың арыз-шағымдарына уақыт жоғалтпай жауап беру үшін жаңа жүйе енгізілді. Бүгінгі таңда 6 мыңнан астам учаскелік инспектор пәтер иелерінің мессенджердегі ортақ чаттарына қосылған. Бұл әдіс хабарлама түскен бойда оқиға орнына жедел жетіп, мәселені дереу шешуге мүмкіндік береді.