|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде шағын және орта кәсіпкерлер үшін несиені төлеу мерзімі кейінге шегерілді. Бұл туралы премьер-министр Асқар Мамин айтты.
"Екінші деңгейлі банктерде несие бойынша төлем мерзімін осы жылдың 1 шілдесіне дейін шегеру шаралары қабылданды. Кейінге қалдырылған төлем мөлшері 750 млрд теңгені құрайды", - деді ол.
Асқар Мамин өз сөзінде кәсіпкерлерді қолдау мақсатында 1 сәуірден 1 маусымға дейін еңбекақы төлеу қорынан ұсталатын барлық салықты төлеу мерзімі кейінге шегерілгенін атап өтті. Бұл бизнеске шамамен 200 млрд теңгені сақтауға мүмкіндік берді.
Салық және кедендік берешекті мәжбүрлеп өндіріп алу 2021 жылдың 1 шілдесіне дейін тоқтатылды.
"Бұл кәсіпкерлерге айналым капиталын толтыру үшін қосымша 279 млрд теңгені жұмсауға мүмкіндік жасайды", - деді Мамин.
Үкімет басшысы ұлттық экономика министрлігіне Экономикалық өсуді қалпына келтіру туралы жаңартылған кешенді жоспардың уақытылы орындалуын қамтамасыз етуді тапсырды.
Сонымен қатар бизнесті салықтық ынталандыру жөніндегі заңнамалық түзетулер пакеті қабылданып, 1 маусымға дейін парламентте тиісті жұмыс жүргізілуге тиіс екенін айтты.
Тағы көру
