|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
8 қазанда елордада көру қабілеті төмен және зағип спортшылар арасында IBSA пара пауэрлифтинг және штанганы жатып сығымдаудан әлем чемпионаты басталды, - деп хабарлайды Dauletten.kz.
Пара пауэрлифтингтен әлем чемпионатының ашылу салтанатына Қазақстан Республикасы Туризм және спорт вице-министрі Серік Жарасбаев, IBSA пауэрлифтинг төрағасы Тинатин Ревазашвили және IBSA президенті Илькар Рахимов қатысып, жарыс қатысушыларына сәттілік тіледі.
- Қазақстанда тұңғыш рет көру қабілеті төмен және зағип жандар арасында жоғары деңгейдегі халықаралық жарыс өткізіліп жатыр. Бұл чемпионат инклюзивті қоғамды және паралимпиадалық қозғалысты дамытудағы маңызды қадам. Осындай бастамалар елімізде паралимпиадалық спорттың, оның ішінде пара пауэрлифтингтің қарқынды дамып келе жатқанын көрсетеді. Давид Дегтярев пен Раушан Қойшыбаева секілді спортшыларымыздың Паралимпиададағы жетістіктері соның дәлелі. Олардың жеңісі жаңа буынға үлгі болып, болашақ чемпиондарға жол көрсетіп, шабыттандырып келеді, - деді вице-министр.
Әлемдік доданың алғашқы күнінде А (48, 52, 56 келі) және B (60 және 67,5 келі) салмақ дәрежесіндегі спортшылар сынға түсті. Жаһандық додаға Қазақстан, Грузия, Украина, Түркия, Ливия, Чехия, Израиль және Кения спортшылары қатысып жатыр.
Әлем чемпионаты Қазақстан Республикасының Туризм және спорт министрлігі мен Астана қаласы әкімдігінің қолдауымен Қазақстанның пара пауэрлифтинг федерациясы, Қазақстандық зағип спорт ассоциациясы өткізіп жатыр. Чемпионат 12 қазанға дейін жалғасады.
