Синоптиктер республика бойынша 30 сәуір мен 2 мамырға арналған ауа райы болжамын ұсынды. Болжам бойынша демалыста күн суытады.
«1 мамырдан бастап ел аумағына кезекті суық антициклон келіп, жылы ауа массаларын ығыстырады. Бұрынғыша солтүстік өңірлерде суық болады, мұнда термометр бағаны түнде 0-5 градусқа дейін түседі. Ал, оңтүстік және оңтүстік-шығыс өңірлерде таулар салқыннан қорғап, жылуды ұстап қалады. Бірақ нөсер жауын жауады», делінген хабарламада.
